055 213 76 73
Koronavirus təhlükəsi heç də deyildiyi kimi çarəsi olmayan xəstəlik deyil.
BAKU.TV xəbər verir ki, dünyada çoxlu sayda bu virusdan sağalan insanlar var.
Həkim Adil Qeybulla hesab edir ki, gigiyenik qaydalara düzgün əməl etməklə bu virusdan qorunmaq mümkündür. O bildirib ki, yarım saatdan bir dəyişmək şərtilə tibbi maskalardan istifadə etməklə, isti su ilə əllərin ən az yarım dəqiqə ərzində yuyulması ilə bu virusdan uzaq qalmaq olar. Həkim onu da qeyd edib ki, müntəzəm idman hər bir virusa qalib gələ bilər.
"Əlləri tez-tez isti su ilə yuyun, C vitamini olan meyvələr, tərəvəzlər yeyin. Adi gimnastik idman hərəkətləri ilə hər səhər məşğul olmaq lazımdır", - həkim bildirib.
Paytaxt sakinləri də normal gigiyenik qaydalara əməl etməklə virusun onlardan uzaq qalacağına inanırlar.
Ümumdünya Səhiyyə təşkilatının son statistikasına əsasən, dünyada koronavirusa qalib gələn 64 088 insan var. Bu, təbii ki, müsbət haldır, lakin virusun hələ də mövcudluğunu nəzərə alaraq gigiyena qaydalarına düzgün riayət etmək vacibdir.