055 213 76 73
"Mövcud vaksinlərin gücsüz olduğu koronavirusun yeni, daha təhlükəli ştamının yaranma ehtimalı kifayət qədər realdır".
“Report” TASS-a istinadən xəbər verir ki, bunu Ümumdünya Səhiyyə Təşkilatının (ÜST) Baş direktoru Tedros Adanom Gebreyesus Slovakiyanın paytaxtı Bratislava şəhərində keçirilən “Globsek-2022” təhlükəsizlik konfransında çıxışı zamanı bildirib.
“Vaksinlərin təsir etmədiyi yeni, daha virulent ştamın meydana gəlməsi təhlükəsi qalmaqdadır”, - o deyib.
T.Gebreyesus vurğulayıb ki, ÜST bəzi regionlardakı tendensiyalardan narahatdır. Belə ki, hazırda Afrika, Qərbi Sakit Okean regionunda COVID-lə əlaqəli ölüm halları artmaqdadır. Amerika qitəsində isə həm yoluxma, həm də ölüm sayında artım var.
ÜST-ün Baş direktoru yeni virusun necə inkişaf edəcəyini deməyin çətin olduğunu söyləyib.