Azərbaycanda karantin rejimi daha 2 həftə uzadılır

“5 iyuldan sonra xüsusi karantin rejiminin 2 həftə müddətinə artırılması barədə rəylər və fikirlər var”.

BAKU.WS xəbər verir ki, bunu Azərbaycan Respublikası Prezidentinin köməkçisi Hikmət Hacıyev bu gün Nazirlər Kabinetinin yanında Operativ Qərargahın keçirdiyi brifinqdə bildirib.

Onun sözlərinə görə, yaxın günlərdə əhaliyə bu barədə daha ətraflı məlumat veriləcək.

H.Hacıyev bildirib ki, karantin rejiminin uzadılmasında məqsəd əhalinin sağlamlığını və təhlükəsizliyini qorumaqdır.