Lənkərandakı yol qəzasında xəsarət alan 24 nəfərdən 13-ü xəstəxanadan evə buraxılıb

Lənkəranda baş verən yol qəzasında xəsarət alanların sayı 24-ə çatıb.

BAKU.WS-ə TƏBİB-dən verilən məlumata görə, Lənkəran-Boradigah-Masallı yolunun Lənkəran şəhəri ərazisindən keçən hissəsində yanvarın 28-də baş vermiş yol-nəqliyyat hadisəsi ilə bağlı 24 nəfər (13-ü qadın, 10-u kişi, 1-i azyaşlı olmaqla) bədənin müxtəlif nayihələrinin travmaları diaqnozu ilə Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunub.

Yaralılara zəruri ilkin tibbi xidmətlər göstərilib. Xəsarət alanlardan 1 nəfərin müalicəsi Reanimasiya şöbəsində, 6 nəfərin müalicəsi Travma şöbəsində, digər 4 yaralının müalicəsi Təcili yardım şöbəsində davam etdirilir. 13 nəfərin xəsarəti yüngül olduğundan ambulator müalicə üçün evə buraxılıb.

***15:52

Daxili İşlər Nazirliyi (DİN) Lənkəranda baş verən yol qəzası ilə bağlı məlumat yayıb.

DİN-in mətbuat xidmətinin Lənkəran regional qrupundan bildirilib ki, yanvarın 28-də saat 13 radələrində Lənkəran rayonunun Girdəni kəndi ərazisində Hümmət Rüstəmova məxsus "VAZ" markalı avtomobil və Xaqani Ramazanzadənin idarə etdiyi "Isuzu" markalı avtobusun toqquşması ilə nəticələnən yol-nəqliyyat hadisəsi baş verib.

Hadisə yerində polis əməkdaşları tərəfindən zəruri təhlükəsizlik və digər tədbirlər görülüb.

Qəza ilə bağlı avtotexniki ekspertizalar təyin edilib, araşdırma aparılır.

***15:43

Lənkəranda baş verən yol qəzasında xəsarət alanların şəxsiyyəti müəyyənləşib.

"Report"un Cənub bürosunun məlumatına görə, bu gün Lənkəranda baş verən yol qəzasında xəsarət alan şəxslər aşağıdakılardır:

1. Kərimova Akifə Aşur - 1965

2. Ramazanzadə Xəqani Fizuli - 1991

3. Manafova Jalə Xankişi - 1989

4. Cəfərova Günay Natiq - 1982

5. Əliyeva Gülnar Şəmşir - 1985

6. Qəmbərov Yusif İbrahim - 1968

7. Hüseynov Cəvahir Rövşən - 2008

8. Bayramova Ulduz Sədaqət - 1989

9. Xudaverdiyev Səttar Ramin - 2003

10. Axundzadə Könül Xaliq - 2002

11. Əlizadə Əlifağa Xudu - 1995

12. Allahverdiyeva Rüqǝyya Ramil 2016

13. Ağazadə Yusif Vüqar - 2013

14. Hüseynova Sevda Qurban - 1992

15. Zəkiyeva Ülkər Maksud - 1994

16. Məmmədova Aygün Şamil - 1963

17. Xudaveridiyeva Nuridə - 1979

18. Əkbərov Çingiz Əşrəf - 1984

19.Əkbərzadə Maksum Şahid - 2002

20. Əliyeva Nuranə Rafiq -1981

21. Əhmədova Nazilə Cəfər - 1955

22. Babayeva Arzu Azad - 1985

23. Rüstəmov Hümmət Fizuli - 1975

***14:45

Lənkəran-Boradigah-Masallı yolunda, Lənkəran şəhəri ərazisində baş verən yol-nəqliyyat hadisəsi nəticəsində 28.01.25-ci il tarixində saat 13:30 radələrindən başlayaraq 21 nəfər Lənkəran Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya olunub.

BAKU.WS xəbər verir ki, bu barədə TƏBİB məlumat verib.

Məlumatda xəsarət alan şəxslərin müxtəlif nahiyələrinin travmaları diaqnozları qoyulan şəxslərin hər birinə zəruri tibbi xidmətlər göstərilir.

Vəziyyətlərinə müvafiq olaraq müxtəlif şöbələrə yerləşdirilirlər.

***14:32

Lənkəran-Boradigah-Masallı yolunda sərnişin avtobusunun iştirakı ilə yol qəzası baş verib.

BAKU.WS xəbər verir ki, "Report"un yerli bürosunun məlumatına görə, sözügedən yolun Lənkəran şəhərindəki yanacaqdoldurma məntəqələrindən birinin yaxınlığında baş verən qəzada xəsarət alanların olduğu bildirilib.

İlkin informasiyaya əsasən, sərnişin avtobusunun minik maşınının üzərinə aşması nəticəsində müxtəlif dərəcəli xəsarətlər alan 13 nəfər Lənkəran Şəhər Mərkəzi Xəstəxanasına çatdırılıb.

Qalereya