Röya Ayxan bu fanatını evində ziyarət edəcək - VİDEO

Ötən gün Bakıda Xalq artisti Röya Ayxanın konserti baş tutub. 

BAKU.WS xəbər verir ki, sənətçinin fiziki məhdudiyyətli Ülviyyə adlı fanatı onun “Biri var” adlı konsertinə çətinliklə gəlib.

Röya Ayxan konsertdən sonra onunla görüşüb, söhbət edib və növbəti konsertlərinə dəvət edib.

Onun əsl adı Ülviyyə olsa da onu rəsmi şəkildə dəyişdirərək Röya edib. Uzun müddətdir ki o, sənətçinin pərəstişkarıdır.

10 il əvvəl anidən səhhəti pisləşib və hərəkət etməsi məhdudlaşıb. Röya Ayxan onu növbəti konsert günlərinə dəvət etsə də Ülviyyə gələ bilmir, evdən çıxarkən huşunu itirir. Qərara gəlinib ki, Röya Ayxan onun evinə qonaq getsin.