"Qarabağ" "Neftçi"ni üç cavabsız qolla məğlub edib

"Qarabağ" Misli Premyer Liqasında "Neftçi"ni məğlub edib.

BAKU.WS "Report"a istinadən xəbər verir ki, XV turun sonuncu oyunu "Neftçi Arena"da keçirilib.

Qarşılaşma "köhlən atlar"ın 3:0 hesablı qələbəsi ilə yekunlaşıb. Ağdam təmsilçisinin heyətində 27, 56-cı dəqiqələrdə Leandro Andrade, 53-cü dəqiqədə Nəriman Axundzadə fərqləniblər.

Turnir cədvəlinin birinci pilləsində qərarlaşan "Qarabağ" xallarının sayını 37-yə çatdırıb. "Ağ-qaralar" 13 xalla 8-ci sıradadır.

Qeyd edək ki, turun əvvəlki matçlarında "Araz-Naxçıvan" "Turan Tovuz"u, "Sabah" "Səbail"i, "Kəpəz" "Şamaxı"nı 1:0, "Zirə" isə "Sumqayıt"ı 4:1 hesabı ilə məğlub edib.

***21:01

Misli Premyer Liqasının XV turunda keçirilən "Neftçi" - "Qarabağ" oyununda üçüncü qol vurulub.

BAKU.WS "Report"a istinadən xəbər verir ki, Ağdam təmsilçisi hesab arasındakı fərqi daha da artırıb - 3:0.

"Köhlən atlar"ın heyətində Leandro Andrade 56-cı dəqiqədə özünün ikinci, komandasının üçüncü qoluna imza atıb.

***20:25

Misli Premyer Liqasının XV turunda keçirilən "Neftçi" - "Qarabağ" oyununda ikinci qol vurulub.

BAKU.WS "Report"a istinadən xəbər verir ki, Ağdam təmsilçisi hesab arasındakı fərqi artırıb - 2:0.

"Köhlən atlar"ın heyətində 53-cü dəqiqədə Nəriman Axundzadə fərqlənib.

***19:56

Misli Premyer Liqasının XV turunda keçirilən "Neftçi" - "Qarabağ" oyununda ilk hissə başa çatıb.

BAKU.WS "Report"a istinadən xəbər verir ki, Ağdam təmsilçisi hazırda hesabda öndədir - 1:0.

"Köhlən atlar"ın heyətində 27-ci dəqiqədə Leandro Andrade fərqlənib.

***19:38

Misli Premyer Liqasının XV turunda keçirilən "Neftçi" - "Qarabağ" oyununda ilk qol vurulub.

BAKU.WS "Report"a istinadən xəbər verir ki, 27-ci dəqiqədə Ağdam təmsilçisi hesabı açıb.

"Köhlən atlar"ın heyətində Leandro Andrade fərqlənib.

***19:04

Misli Premyer Liqasının XV turundakı "Neftçi" - "Qarabağ" oyunu başlayıb.

BAKU.WS "Report"a istinadən xəbər verir ki, "Neftçi Arena"dakı qarşılaşma saat 19:00-da start götürüb.

Matçı FIFA referisi Əliyar Ağayev idarə edir.

Rəqiblərindən bir oyun az keçirən Ağdam təmsilçisi 34 xalla ikinci pillədə qərarlaşıb. Paytaxt klubu 13 xalla 7-ci sıradadır.

Qeyd edək ki, turun əvvəlki matçlarında "Araz-Naxçıvan" "Turan Tovuz"u, "Sabah" "Səbail"i, "Kəpəz" "Şamaxı"nı 1:0, "Zirə" isə "Sumqayıt"ı 4:1 hesabı ilə məğlub edib.

Qalereya