İlk görüşdə qələbə çalan güləşçimiz Tunar Həsənov ikincidə uduzdu

Azərbaycan sərbəst güləşçisi Tunar Həsənov Bakıda təşkil olunan U-17 dünya çempionatının 1/4 finalında məğlub olub.

BAKU.WS report-a istinadən xəbər verir ki, 45 kq çəki dərəcəsində yarışan idmançı gürcüstanlı Luka Dotiaşviliyə 4:5 hesabı ilə uduzub.

T.Həsənov 1/8 finalda bolqarıstanlı Radoslav Velikovu 4:1 hesabı ilə üstələmişdi.

Qeyd edək ki, dünya çempionatı Milli Gimnastika Arenasında keçirilir. Mübarizəyə 60-dan çox ölkədən 700-ə yaxın yeniyetmə güləşçi qatılıb. Azərbaycanı mundialda 29 pəhləvan təmsil edir.

*** 14:25

Azərbaycanın sərbəst güləşçisi Tunar Həsənov Bakıda təşkil olunan U-17 dünya çempionatındakı ilk görüşündə qələbə qazanıb.

BAKU.WS report-a istinadən xəbər verir ki, 45 kq çəki dərəcəsində yarışan idmançı 1/8 finalda bolqarıstanlı Radoslav Velikovu 4:1 hesabı ilə üstələyərək növbəti mərhələyə yüksəlib.

Qeyd edək ki, dünya çempionatı Milli Gimnastika Arenasında keçirilir. Mübarizəyə 60-dan çox ölkədən 700-ə yaxın yeniyetmə güləşçi qatılıb. Azərbaycanı mundialda 29 pəhləvan təmsil edir.