Topaz Premyer Liqasında XXII tura yekun vurulub. 

BAKU.WS ona-ya istinadən xəbər verir ki, bu gün IV dövrənin ilk turunun son iki oyunu keçirilib.

Avrokuboklara vəsiqələr uğrunda mübarizə aparan “Qəbələ” öz meydanında “Sabah”ı qəbul edib. Qarşılıqlı hücumlar şəraitində keçən matçda qapılara qol vurulmayıb.

Bu heç-heçədən sonra “Qəbələ” qızıl medal qazanmaq şansını rəsmən itirib. Əyalət təmsilçisi üçüncü pillədə qərarlaşan “Səbail”dən 4 xal geri düşüb.

Tura Sumqayıtda yekun vurulub. Çempionatın autsayderi “Sumqayıt” son illərin çempionu “Qarabağ”ı qəbul edib.

Səfər oyununda rəqibini 6:0 hesabı ilə darmadağın edən Ağdam klubu xal ehtiyatını 48-ə çatdıraraq liderə şərik olub. Bu, Qurban Qurbanovun yetirmələrinin ilk “üçlük”də yerini təmin etməyə yetib. Ağdam klubu bununla da həm Topaz Premyer Liqasının mükafatını, həm də avrokuboklara vəsiqəni rəsmiləşdirib. Həmçinin Mahir Mədətov da dublu sayəsində bombardirlik mübarizəsində "Neftçi"nin hücumçusu Baqali Daboya şərik olub.
Qeyd edək ki, turun ilk günündə “Neftçi” “Keşlə”ni 1:0, “Səbail” “Zirə”ni 2:1 hesabı ilə məğlub edib.

Topaz Premyer Liqası
XXII tur
1 aprel (bazar ertəsi)
“Qəbələ” – “Sabah” – 0:0


Hakimlər: Rauf Cabarov, Yaşar Abbasov, Müslüm Əliyev, Nail Nağıyev
Hakim-inspektor: Ceyhun Haşımov
AFFA nümayəndəsi: Asif Əliyev
Qəbələ şəhər stadionu, 14:00

“Sumqayıt” – “Qarabağ” - 0:6
Qollar: Dani Kintana, 17, Mahir Mədətov, 20, 40, Filip Ozobiç, 51, Abdulla Zubir, 78, 84
Hakimlər: Rəvan Həmzəzadə, Vüqar Bayramov, Əli Cəbrayılov, Kamal Umudlu
Hakim-inspektor: Munis Abdullayev
AFFA nümayəndəsi: Ramiz Mustafayev
“Kapital Bank Arena”, 18:30

1Neftçi22146237-1548
2Qarabağ21136241-1845
3Səbail22104826-2234
4Qəbələ2279624-2330
5Sabah 22651116-3023
6Zirə22571019-3022
7Keşlə22541321-3319
8Sumqayıt 21451216-2917

 Bombardir: Baqali Dabo ("Neftçi"), Mahir Mədətov ("Qarabağ") - 9 qol.

BAKU.WS


TƏCİLİ KREDİT SİFARİŞLƏRİ