055 213 76 73
Azərbaycan şahmatçısı Nicat Abasov Kanadanın Toronto şəhərində təşkil olunan İddiaçılar Turnirində növbəti görüşünə çıxıb.
BAKU.WS Oxu.Az-a istinadən xəbər verir ki, 28 yaşlı qrossmeyster 6-cı turda Rameşbabu Praqnanandha (Hindistan) ilə qarşılaşıb. Qara fiqurlarla oynayan millimizin üzvü rəqibinə məğlub olub - 0:1.
Xatırladaq ki, Nicat Abasov ötən gün daha bir Hindistan təmsilçisi Dommaracu Qukeşə məğlub olmuşdu.
Digər görüşlər belə nəticələnib:
Dommaracu Qukeş (Hindistan) - Hikaru Nakamura (ABŞ) 0,5:0,5
Santoş Vidit (Hindistan) - Əlireza Firuzca (Fransa) 1:0
Yan Nepomnyaşşi (FIDE) - Fabiano Karuana (ABŞ) 0,5:0,5
Altı turdan sonra hesabında 1,5 xal olan Nicat Abasov eyni nəticəyə imza atan Əlireza Firuzca ilə 7-8-ci yerləri bölüşdürür. Turnir cədvəlinə hərəyə 4 xal toplayan Dommaracu Qukeş və Yan Nepomnyaşşi başçılıq edirlər.
İddiaçılar Turniri aprelin 22-də başa çatacaq. Səkkiz şahmatçının iki dövrədən ibarət mübarizəsində birinci olan qrosmeyster hazırkı dünya çempionu Dinq Lirenlə (Çin) şahmat tacı uğrunda oynamaq hüququ əldə edəcək.
Qeyd edək ki, turnirin mükafat fondu 500 min avrodur. Qalib 48 min avro qazanacaq.
***11:00
Azərbaycan şahmatçısı Nicat Abasov Kanadanın Toronto şəhərində təşkil olunan İddiaçılar Turnirində bu gün növbəti görüşünü keçirəcək.
BAKU.WS report-a istinadən xəbər verir ki, 28 yaşlı qrossmeyster VII turda Hindistan təmsilçisi Vidit Santoş ilə münasibətləri aydınlaşdıracaq.
Milli üzvü ağ fiqurlarla oynayacaq. Qarşılaşma Bakı vaxtı ilə saat 22:30-da başlayacaq. N.Abasov altı turdan sonra 1,5 xalla 7-8-ci yerləri bölüşdürür.
Bu gün həmçinin Əlireza Firuzca (Fransa) - Dommaracu Qukeş (Hindistan), Hikaru Nakamura (ABŞ) - Yan Nepomnyaşi (FIDE), Fabiano Karuana (ABŞ) - Rameşbabu Praqnanandha (Hindistan) görüşləri baş tutacaq.
İddiaçılar Turniri aprelin 22-də başa çatacaq. 8 şahmatçının iki dövrədən ibarət mübarizəsində birinci olan qrossmeyster hazırkı dünya çempionu Dinq Lirenlə (Çin) Şahmat Tacı uğrunda oynamaq hüququ əldə edəcək.
Qeyd edək ki, turnirin mükafat fondu 500 min avrodur. Qalib 48 min avro qazanacaq.