055 213 76 73
Fransanın "Paris Sen-Jermen" (PSJ) futbol klubunun rəhbərliyi komandanın hücumçusu Kilian Mbappenin müqaviləni yeniləyərkən klubu aldatdığını hesab edir.
BAKU.WS "gazeta.ru"ya istinadən xəbər verir ki, bu barədə jurnalist Loik Tanzi məlumat verib.
Mənbənin məlumatına görə, 2022-ci ildə Mbappe azad agent kimi klubu tərk etməyəcəyinə söz verib. Qeyd olunur ki, PSJ rəhbərliyi fransalıya inanıb və Kilianla qısamüddətli müqavilə imzalamağa qərar verib, 3 illik müqavilədə israrlı olmayıblar.
"Marca" nəşrinin daha əvvəl iddia etdiyi kimi, futbolçunun anası artıq PSJ rəhbərliyinə onun klubla müqaviləni yeniləmək fikrində olmadığını bildirib. Klubla futbolçu arasında müqavilə 2023/24 mövsümünün sonunda başa çatır.
İyunun 26-da "Le Parisien" nəşri PSJ-nin prezidenti Nasser Əl-Xelayfinin klubun hələ də futbolçunu müqavilə imzalamağa razı salmaq şansının olduğuna əminliyini ifadə edib.
Xatırladaq ki, Mbappenin müqaviləsi gələn ilin yayında başa çatır.