Xocavənd sakini: 24 yaşında çıxdığım yurdumuza indi 7 nəvəmlə qayıdıram

Xocavənd sakini Səfiyar Məmmədov 24 yaşında tərk etdiyi doğma yurda indi 3 övladı və 7 nəvəsi ilə qayıdır.

BAKU.WS report-a istinadən xəbər verir ki, S.Məmmədov bunu "Report"un Xocavəndə ezam olunan əməkdaşına açıqlamasında deyib.

O, məcburi köçkünlük dövründə ağır günlər keçirdiklərini vurğulayıb:

"Məcburi köçkün düşəndə 24 yaşım vardı, buraları həyat yoldaşımla birgə tərk etdik. Bu müddət ərzində Ağdam, Beyləqan və İmişi rayonlarında yaşadıq. Uzun illərdən sonra doğma yurda üç övladım və yeddi nəvəmlə birlikdə qayıdıram. Hamımız çox sevincliyik".