Vaqif Əsədov: "Bakıda taksi sürücülərinə cərimə yazılmayacaq"

Bakı şəhər Dövlət Yol Polisi İdarəsi son günlər paytaxt ərazisində taksi sürücülərinin lisenziya olmadığına görə yol polisi tərəfindən cərimə olunması xəbərinə münasibət bildirib.

BAKU.WS-in məlumatına görə. idarənin bölmə rəisi, polkovnik Vaqif Əsədov avtosfer.az saytına bildirib ki, paytaxt ərazisində taksi fəaliyyəti ilə məşğul olan hər hansı sürücüyə lisenziyaya görə inzibati protokol tərtib olunmayıb: «Hazırda lisenziya ilə bağlı prosedur hazırlanır. Yol polisi olaraq bildiririk ki, taksi fəaliyyəti ilə məşğul olanlar özlərini, avtomobillərini və müvafiq sənədlərini indidən hazırlasınlar. Yeni qaydalar təsdiqlənib yayılandan sonra müvafiq qaydada müraciət edib lisenziya alsınlar. Əks halda, yol polisi lisenziyasız fəaliyyət göstərən taksi sürücülərini cərimə edəcək».

Ziya Səccad

BAKU.WS