Qarabağla bağlı YENİ LAYİHƏ - 3,2 milyon ayrıldı

Xocəvənd rayonunun Tuğ qəsəbəsində sosial infrastruktur bərpa olunacaq.

BAKU.WS-in Ağdam, Füzuli və Xocavənd rayonlarında Bərpa, Tikinti və İdarəetmə Xidmətindən əldə etdiyi məlumata görə, qəsəbədə yerləşən qeyri-yaşayış binalarının - məktəb, uşaq bağçası və qazanxananın təmir-bərpa edilməsi nəzərdə tutulur.

Bununla yanaşı, ərazi üzrə kommunikasiya xətlərinin yenilənməsi, yaşıllıq salınması və abadlıq işləri də həyata keçiriləcək. Layihənin ehtimal olunan dəyəri 3 milyon 225 min manat təşkil edir.

Qeyd edək ki, məqsəd qəsəbədə yaşayış və təhsil şəraitini daha təhlükəsiz, rahat və müasir tələblərə uyğun hala gətirməkdir.