Qarabağa köçməyə hazırlaşan şəxsləri SEVİNDİRƏCƏK XƏBƏR

Xocavənd rayonunun Hadrut qəsəbəsində infrastruktur binasının tikintisi və çoxmənzilli yaşayış binalarının təmiri işləri görüləcək.

BAKU.WS-in əldə etdiyi məlumata görə, tikinti və təmir işləri Ağdam, Füzuli və Xocavənd rayonlarında Bərpa, Tikinti və İdarəetmə Xidmətinin sifarişi əsasında reallaşacaq.

Satınalmanın ümumi dəyəri 4 milyon 630 min manat təşkil edir.

Bu layihənin həyata keçirilməsi bölgədə məskunlaşmanın sürətlənməsinə, əhalinin sosial şəraitinin yaxşılaşmasına, yeni infrastruktur imkanlarının yaranmasına və ümumilikdə işğaldan azad olunmuş ərazilərin bərpasına töhfə verəcək.