Ağdamda tikiləcək yaşayış binaları ilə bağlı YENİ XƏBƏR

Ağdam, Füzuli və Xocavənd rayonlarında Bərpa, Tikinti və İdarəetmə Xidməti binaların tikintisi ilə bağlı yeni tender elan edib.

BAKU.WS-in məlumatına görə, layihənin ümumi dəyəri 11 milyon 51 min manat təşkil edir.

Tender sənədlərində qeyd olunur ki, Ağdam şəhərinin 5-ci yaşayış massivində, məhəllə O-128-də bir sıra binaların tikintisi nəzərdə tutulur.

Bu layihə işğaldan azad olunmuş Ağdam şəhərində əhalinin məskunlaşması üçün müasir yaşayış massivlərinin salınmasına yönəlib. Yeni binaların inşası həm şəhərin sosial infrastrukturunun gücləndirilməsinə, həm də köçkünlərin mərhələli şəkildə geri qayıdışına xidmət edəcək.