Aparıcı Azər "Yoxlama" verilişinin reketliklə məşğul olması iddiasına aydınlıq gətirdi (VİDEO)

"Reket jurnalist özəl fəaliyyət göstərir və pul yığır. Biz çəkirik və heç bir təmənna güdmədən insanları maarifləndiririk".

 

Bunu BAKU.WS-ə açıqlamasında ATV telekanalında yayımlanan "Yoxlama" verilişinin aparıcısı Azər Zahid bildirib.  

 

Azər Zahid bildirib ki, ekspert yeməklərə vurulan qidaların miqdarı ilə deyil məhz nədən istifadə edilməsi ilə maraqlanıb və bu da hər kəsin haqqıdır.

 

"Reseptin kimə məxsusluğu komersiya sirridir və bunun bizə aidiyyatı yoxdur. Qidalara neçə qram nə vurulur bu sirdir bizə aidiyyatı yoxdur. Nəyin vurulduğunu istehlakçı bilməlidir".

 

 

"Reket jurnalist özəl fəaliyyət göstərir və pul yığa bilər. Kimisə çəkə bilər, deyər ki, "efirə verməməyim müqabilində pul ver". Biz çəkirik heç bir təmənna güdmürük. Biz çəkirik göstərərik ictimaiyyəti maarifləndiririk. Qida sağlamlığı hər birimizə lazımdır. Paltarı aldıqda onun 14 gün müddəti olur. Yəni paltarı qaytarmaq mümkündür. Qidanı yedikdən 3 dəqiqə sonrə həzmə gedir. Onu geri qaytara bilərsiz? Biz heç kimi təhdid etmirik. Biz nəyisə çəkib efirə verməsək, pul istəsək bu təhdid olardı. Heç bir iaşə məkanı deyə bilməz ki, ATV telekanalı gəlib bizi çəkib və nəsə tələb edib. Çəkdiyimiz hər şey efirə gedir. Yaxşıdısa pulsuz reklamdır".

 

 

"Verilişin bağlanmasını arzulayınca öz işçiləri ilə bağlı tədbirlər görsünlər. Öz işçisinə diqqət yetirib yüksək səviyyəli xidmət göstərsinlər".

 

 

"Əgər KFC-nin mətbəxini çəkə bilmədiksə deməli mətbəxində sizə, bizə maraqlı olmayan, lazımsız nələrsə var deyə göstərmirlər".