2025-ci ildə dünyasını dəyişən MƏŞHURLAR

2025-ci il Azərbaycan ictimaiyyəti üçün ağır itkilərlə yadda qalıb.

BAKU.WS-in məlumatına görə, Bu il mədəniyyət, incəsənət, ədəbiyyat, siyasət və elm sahələrinə dəyərli töhfələr vermiş bir çox tanınmış simalar dünyasını dəyişib.

Onların hər biri öz sahəsində iz qoyub, ölkənin mənəvi və ictimai həyatında dərin boşluq yaradıb.

2025-ci ildə dünyasını dəyişmiş məşhurların siyahısını təqdim edirik:

Arif Babayev - Tanınmış xanəndə Azərbaycan SSR xalq artisti, Milli Konservatoriyasının Muğam kafedrasının sabiq müdiri olub. O, 1 avqust 2025-ci ildə dünyasını dəyişib.

Cabir İmanov – tanınmış aktyor, "Parni iz Baku" KVN komandasının üzvü, Azərbaycanın əməkdar artisti (2015). 29 sentyabr 2025-ci ildə vəfat edib.

Çimnaz Sultanova – sevilən aktrisa, televiziya tamaşaçılarının "Vicdan haqqı" serialındakı rolları ilə tanıdığı sənətçi. 15 yanvar 2025-ci ildə dünyasını dəyişib.

Abdolbari Gözəl – Azərbaycanın tanınmış iş adamı, "Azərsun Holdinq"in qurucularından biri. O, ölkə iqtisadiyyatının inkişafında mühüm rol oynamış, xeyriyyəçilik fəaliyyəti ilə də tanınmışdı. Abdolbari Gözəl 18 yanvar 2025-ci ildə vəfat edib.

Xanhüseyn Kazımlı – uzun illər Milli Məclisin deputatı olmuş siyasətçi 24 iyul 2025-ci ildə dünyasını dəyişib.

Azər Baxşəliyev - tanınmış aktyor, "Bozbash Pictures" layihəsində canlandırdığı Ağsaqqal və Əzəmət obrazları ilə tanınırdı. 5 yanvar 2025-ci ildə həyatını itirib.

Elçin Əfəndiyev – xalq yazıçısı, nasir, dramaturq, sabiq Baş nazir müavini (1993–2018). Əfəndiyev 3 avqust 2025-ci ildə vəfat edib. O, Azərbaycan ədəbiyyatının və dövlət idarəçiliyinin görkəmli nümayəndələrindən biri idi.

Vidadi Babanlı – yazıçı, tərcüməçi, "Şərəf" ordenli ədəbiyyat xadimi. Onun "Vicdan susanda" romanı və bir çox digər əsərləri Azərbaycan nəsrinin klassik nümunələrinə çevrilib. Babanlı 16 avqust 2025-ci ildə dünyasını dəyişib.

Əminə Yusifqızı – Xalq artisti, səhnə və dublyaj ustası. Onun səsi Azərbaycan tamaşaçısı üçün onlarla məşhur film və tamaşadan tanışdır. Əminə xanım 9 oktyabr 2025-ci ildə vəfat edib.

Oqtay Şirəliyev – Azərbaycanın sabiq səhiyyə naziri, 2005–2021-ci illərdə bu vəzifədə çalışıb. Onun rəhbərliyi dövründə səhiyyə sistemində mühüm islahatlar həyata keçirilib. O, 3 oktyabr 2025-ci ildə dünyasını dəyişib.

Əlisəmid Kür – ədəbiyyat və mədəniyyət sahəsində fəaliyyət göstərən ziyalı, yazılı ədəbi irsinin qorunması və təbliği istiqamətində mühüm işlər görüb. 13 oktyabr 2025-ci ildə vəfat edib.