Küçə fotoqrafı Tural Huseyn: "Kiminsə görməyindən narahat olan küçəyə çıxmasın" - MÜSAHİBƏ (FOTO)

 

Tural Hüseyn orta məktəbi bitirdikdən sonra fotoqraflığa başlayıb. Bir neçə saytda fotomüxbir kimi də çalışıb. Hazırda küçə fotoqrafiyası ilə məşğuldur. 

BAKU.WS Tural Hüseynlə müsahibəni təqdim edir.

- İdeya deyəndə ki, bir gün dedim çıxım şəhər camaatını çəkim. Neçə vaxt idi şəkil çəkmirdim. Çıxdım şəhərə, insanlara bir-bir yaxınlaşıb şəkillərini çəkmək istədiyimi bildirdim. Çətin oldu, amma alındı. İki gün çəkiliş etdim şəhərdə, üçüncü günü hamısını hazır edib Facebook səhifəmdə paylaşdım. Belə əks-səda doğuracağını düşünməmişdim. Bir gecəni içində partladı demək olar. Həyəcandan yata bilmirdim.

- Belə deyim, Bakıda narazılıq edənlər daha çox yaşlı nəsildir. Cavanlardan da vardı, amma azdır. Çünki Bakı bölgələrimizlə müqayisədə müasirləşib. Gəncədə daha çox həmcinslərim etiraz edirdilər. Qızları çəkirdim, oğlanları çəkə bilmirdim. Qızları da çətinliklə çəkə bildim, səhifəmin izləyiciləri bu işdə kömək etdilər. 

- Fiziki məhdudiyyətli şəxsləri çəkməyi çoxdan düşünürdüm. Sadəcə elə bir vaxta təsadüf etdi ki, fikirləşdim necə edim ki, insaları hiddətləndirməsin. Ağlıma bayraq gəldi, bayraq aldım getdim çəkdim. O da maraqla qarşılandı. 

- Açığı birinci dəfə Bakı var idi fikrimdə, daha sonra düşündüm niyə də bölgələrimizdəki insanları çəkməyim? Planımda rayonlarımızın hamısı var, Sadəcə maliyyəm yoxdur deyə reallaşdıra bilmirəm. Bu yaxın günlərdə Sumqayıtı çəkdim, ona da bir tanış hüquqşunas kömək etdi. Bir neçə yerə müraciət etmişik, onlardan cavab gələnə kimi hələ ki, o kömək edəcək. Növbəti rayonlardan Lənkəran var fikrimdə, ora gedəcəm alınsa. 

- Çəkəcəm, çünki ordan təkliflər çoxdur. Səhifənin üzvləri var Lənkərandan, onlar deyib kömək edəcəklər. 

- Düzü mənə çatmır o düşüncə. Onları çəkib nə edəcəyik ki? İnsanların görməyinə görə narahat olurlarsa o zaman ümumiyyətlə küçəyə çıxmamalıdırlar. Küçədə insanı daha çox görürlər. 

- Var, amma bunun üçün böyük maliyyə dəstəyi lazımdır. Hər hansısa bir təşkilat, qurum dəstək olsa niyə də olmasın? Fikrimdə var ki, Azərbaycandan kənarda yaşayan həmyerlilərimizi çəkim. Hazırda reallaşdırmaq imkanlarım məhduddur, gələcəkdə bəlkə alınar ən azı Türkiyədə, Gürcüstanda və İranda yaşayan azərbaycanlıları çəkə bildim. 

- Toy fotoqrafiyasını sevmirəm, ona görə yenə məşğul olmuram. Ümumiyyətlə o toy mühiti məni özünə çəkmir. 

- Belə deyim, bahalı fotoaparat kadrı sadəcə daha aydın, daha gözəl göstərir. İstiqaməti düz tutmaq, anı yaxalamaq isə fotoqrafın özündən asılıdır. Burada təcrübə də rol oynayır, istedad da. Təcrübə üçün isə müəyyən müddət bu işlə məşğul olub bacarığını və imkanlarını daha da təkminləşdirməlisən. Fotoqrafiya kənardan asan görünə bilər, amma nə qədər çətin və məsuliyyətli sahə olduğunu yalnız bu işlə ciddi məşğul olanlar bilir. Yeni-yeni bu sahəyə gələnlərə dəstək vacibdir. Bu sənətlə uzun müddət məşğul olan fotoqraflarımız yeni başlayanlarla təcrübələrini bölüşməlidirlər. Bizdə isə bu yoxdur, öyrətmirlər, ona görə inkişaf yoxdur.