Turan evlilik verilişinə qatılan həmyerlilərimizi tənqid etdi: "Biabırçılıqdır..."

Aparıcı Turan İbrahimov Türkiyə telekanallarındakı evlilik verilişinə qatılan azərbaycanlı gəncləri tənqid edib.

Aparıcı bildirib ki, onlar həm özlərini, həm də Azərbaycanı biabır edirlər:

"Türkiyə kanallarındakı evlilik verlişlərinə çıxan şit davranışları, yersiz söz-söhbətləriylə mentalitetimizə xələl gətirən azərbaycanlı oğlan və qızların ora getmələrini necə dayandıraq? Bu mümkündürmü? Şəxsən mən onları oralarda görəndə çox utanıram, pərt oluram. Öz telekanallarımızdakı bu formatlı verilişləri tənqid etdik, yıxdıq-sürüdük bağladılar. MTRŞ bir tədbir gördü və yayımları dayandırıldı. Nə dəyişdi? Həmin verilişə baxan tamaşaçı indi də Türkiyə kanallarını izləyir. Həmin auditoriyanı itirdik. Amma oğlanlarımız və qızlarımız bizi yenə də rəzil etməyə davam edirlər. Həm də bu dəfə öz yanımızda yox, 79 milyonluq Türkiyədə. Belə çıxır ki, həmin verilişlərin yerli formatlarını bağlamaq səhv idi. Çünki həm biabır olmağa davam edirik, həm də yerli tamaşaçısını o saatlarda itiririk".

axşam.az

BAKU.WS