UN-Habitat: Azərbaycanın həmsədrlik etdiyi işçi qrupu işini 2029-cu ilə qədər davam etdirəcək

Azərbaycan Somali ilə birlikdə 2029-cu ilə qədər beynəlxalq tövsiyələrin hazırlanması ilə məşğul olacaq mənzil məsələləri üzrə fəaliyyətdə olan açıq işçi qrupunun həmsədridir.

BAKU.WS report-a istinadən xəbər verir ki, bunu UN-Habitat-ın icraçı direktoru Anaklaudia Rossbax Ümumdünya Şəhərsalma Forumunun 13-cü sessiyasının (WUF13) açılışına həsr olunmuş mətbuat konfransında bildirib.

Onun sözlərinə görə, hazırda açıq işçi qrupu çərçivəsində BMT-yə üzv dövlətlərə mənzil siyasəti məsələləri üzrə dəstək davam etdirilir:

"Azərbaycan Somali ilə birlikdə bu qrupun fəaliyyətdə olan həmsədridir. Açıq işçi qrupu 2029-cu ilə qədər fəaliyyət göstərəcək və gözlənildiyi kimi aktual meyllərə, konsensusa və əldə olunmuş razılaşmalara əsaslanan bir sıra normativ tövsiyələr hazırlayacaq".