Sədərəkdən Əbu-Dabiyə: Ermənistan-Azərbaycan nizamlanmasında vasitəçiliyin sonu

İyulun 10-da Birləşmiş Ərəb Əmirliklərinin (BƏƏ) paytaxtında Azərbaycan və Ermənistan liderləri - İlham Əliyev və Nikol Paşinyan arasında danışıqlar baş tutub. Bu görüş məzmununa görə artıq iki ölkənin müasir tarixində bir çox xüsusiyyətlərinə taleyüklü yerini alıb. 1999-cu ilin sentyabrında iki ölkənin sərhədində Heydər Əliyev və Robert Koçaryan arasında keçirilən məşhur ikitərəfli zirvə görüşündən sonra ilk dəfə olaraq liderlər yenidən vasitəçilərsiz genişmiqyaslı birbaşa görüş keçiriblər.

Bu barədə "Caliber"in "YouTube" kanalındakı son buraxılışında deyilir.

"Son 35 il ərzində Ermənistan və Azərbaycan liderləri bir çox yerlərdə görüşüblər. Rusiya və Qazaxıstan prezidentlərinin vasitəçiliyi ilə Jeleznovodskda, Parisdə, okeanın o tayında Ki-Uestdə, Cenevrədə, Fransanın Rambuye şəhərində, Minskdə, Moskva yaxınlığındakı Mayendorf qəsrində, Sankt-Peterburqda, Moskvada, Kişineuda, dəfələrlə Soçidə, Həştərxanda, Kazanda, sonra yenidən Parisdə, Strelnadakı Konstantin sarayında və 2020-ci il Vətən müharibəsindən sonra Moskvada, yenidən Soçidə və dəfələrlə Brüsseldə, Avropa Siyasi Birliyinin Praqada, Kişineuda, Tiranada keçirilən sammitləri çərçivəsində.

Sədərəkdəki o məşhur çadır görüşü istisna olmaqla, bütün bu görüşlər bir və ya bir neçə vasitəçinin iştirakı ilə baş tutub", - deyə məqalədə qeyd olunub.

Daha ətraflı videoda: