Paytaxtın Səbail və Qaradağ rayonlarında sahil zolağı çimmək üçün əlverişli deyil. 

BAKU.WS-in xezerxeber.az-a istinadən xəbr verir ki, mövsümün əvvəlində sözügedən ərazilərdə dəniz suyunun tərkibində insan sağlamlığı üçün təhlükə yarada biləcək bakteriyaların olması təsdiq edilib. Amma buna rəğmən ərazidə müxtəlif iaşə obyektləri fəaliyyət göstərir. Belə yerlər insanları qadağan edilmiş ərazilərə üz tutmağa sövq edə bilər.
 
Bəs görəsən belə ərazilərdə hansısa obyekt açmaq qanunidirmi və buna kim nəzarət etməlidir ?

Bəzi ərazilərdə çimmək qadağan edilsə də, orada müxtəlif iaşə obyektləri fəaliyyət göstərir. Həmin yerlərdən biri Şıx çimərliyidir.

Çimərlik mövsümün əvvəlində müvafiq qurumlar Xəzər dənizinin Səbail və Qaradağ sahil zolaqlarında suyun tərkibində insan sağlamlığı üçün ciddi təhlükə yarada bilən bakteriyaların olduğunu bəyan edib. Gigiyena və epidemyologiya Mərkəzinin şöbə müdiri Ziyəddin Kazımov bildirib ki, suyun tərkibinin zərərli olması barədə məktub hazırlanaraq bakı şəhər icra hakimiyyətinə göndərilib.

Çimməyin qadağan edilməsinə baxmayaraq ərazidə iaşə obyektlərinin fəaliyyət göstərməsi insanları dəniz sahilinə üz tutmağa sövq edə bilər.Bu zaman belə bir sual ortaya çıxır ki, çimmək qadağandırsa hansısa obyektin açılması, sahilin hasara alınaraq pullu girişin tətbiq edilməsi hansı qayadalara uyğundur ?

İaşə obyektinin nümayəndəsi Süleyman adlı bu şəxsin sözlərinə görə qadağan edilmiş sahildə hansısa çimərliyin və ya digər obyektin fəaliyyət göstərməsi insanları məhz bu əraziyə gəlməyə sövq edə bilməz.

Məsələ ilə bağlı Səbail rayon icra hakimiyyətndən verilən məlumata görə gigiyena və epidemiologiya mərkəzi, eləcə də bakı şəhər icra hakimiyyətindən onlara şıx çimərliyində dəniz suyunun tərkibinin çirkli olması barədə məktub daxil olmayıb. Rayon İcra Hakimiyyətindən bildiriblər ki, ərazidə hansısa obyekt fəaliyyət göstərirsə o müvafiq icazə alıb və burda hər hansı problem yoxdur.
 
BAKU.WS 


TƏCİLİ KREDİT SİFARİŞLƏRİ