Mərakeşdə güclü zəlzələ baş verib

Mərakeşdə güclü zəlzələ qeydə alınıb.

BAKU.WS xəbər verir ki, bu barədə Milli Geofizika İnstitutu məlumat yayıb.

Məlumata görə, zəlzələ Bakı vaxtı ilə fevralın 11-i, 03:48-də baş verib. Mərakeşli mütəxəssislərin qiymətləndirməsinə əsasən, yeraltı təkanların maqnitudası 5,2 olub. ABŞ Geoloji Xidmətinin (USGS) məlumatına görə isə zəlzələ 5,1 bal gücündə qeydə alınıb.

Zəlzələnin episentri Briçka kommunasında, 20 kilometr dərinlikdə yerləşib. Hadisə nəticəsində heç kim xəsarət almayıb, infrastruktura ziyan dəyməyib.