Toy kabusa çevrildi - gəlin yerdə süründü

Türkiyədə ailə qurmağa hazırlaşan cütlüyün ən xoşbəxt günləri kabusa çevrilib.

BAKU.WS xəbər verir ki, buna səbəb onların qohumları arasında baş verən qarşıdurma olub. Şişli nikah dairəsinin binası qarşısında cütlüyün qohumları arasında hələlik bilinməyən bir səbəbdən narazılıq yaranıb. Qohumların mübahisəsi böyüyərək davaya çevrilib.

Dava edən qohumların arasında qalan gəlinin halı pisləşib. Yerdə uzanan gəlinə ilkin müdaxiləni hadisə yerinə çağırılan təcili tibbi yardım göstərib.

Davanı hadisə yerinə gələn polislər ayırıblar. Hadisədən sonra nikahın davam edib-etmədiyi isə bilinmir.