SİZİN REKLAM BURADA!
055 213 76 73



Sumqayıtda üç il əvvəl qaçırılmış avtomobil tapılıb.

DİN-in mətbuat xidmətindən BAKU.WS-ə verilən məlumata görə, mayın 26-da saat 11 radələrində 2015-ci il mayın 1-də Sumqayıt şəhərindən qaçırılan Q.Osmanovaya məxsus “Chevrolet” markalı avtomobilin Moskva prospektində hərəkətdə olması aşkar edilib. Məlumat dərhal aidiyyəti üzrə ötürülüb.

Bakı ŞBPİ-nin Dövlət Yol Polisi İdarəsi və Yasamal RPİ 29-cu Polis Şöbəsi əməkdaşlarının birgə keçirdikləri təxirəsalınmaz əməliyyat tədbirləri nəticəsində avtomobil saxlanılıb. Araşdırmalarla nəqliyyat vasitəsini idarə edənin Bakı şəhər sakini Orxan Əyyubov olduğu müəyyən edilib və o, saxlanılaraq Sumqayıt Şəhər Polis İdarəsinə təhvil verilib.

Faktla bağlı araşdırma aparılır.

BAKU.WS