Beynəlxalq axtarışda olan şəxs Gürcüstandan Azərbaycana ekstradisiya edilib
![Beynəlxalq axtarışda olan şəxs Gürcüstandan Azərbaycana ekstradisiya edilib](https://baku.ws/storage/photos/thumbs/large/1702309191_prokurorluq-11.webp)
Beynəlxalq axtarışda olan daha şəxsin Gürcüstandan Azərbaycana ekstradisiyası təmin edilib.
BAKU.WS xəbər verir ki, bu barədə Baş Prokurorluq məlumat yayıb.
Bildirilib ki, Baş prokurorluğun vəsatəti əsasında Gürcüstanın Baş Prokurorluğu tərəfindən "Mülki, ailə və cinayət işləri üzrə hüquqi yardım və hüquqi münasibətlər haqqında" 22.01.1993-cü il tarixli Konvensiyanın tələblərinə uyğun olaraq Azərbaycan Respublikası vətəndaşı Rzayev Namiq İbrahim oğlunun ekstradisiyası haqqında qərar qəbul olunub.
Belə ki, Bakı şəhəri Nərimanov rayon prokurorluğunda ibtidai istintaq edilən cinayət işi üzrə Namiq Rzayevin öz qulluq mövqeyindən istifadə etməklə və xeyli miqdarda ziyan vurmaqla törədilən mənimsəmə cinayətini törətməsinə əsaslı şübhələr müəyyən edildiyindən, barəsində təqsirləndirilən şəxs qismində cəlb etmə haqqında qərar qəbul edilərək beynəlxalq axtarışa verilib.
Namiq Rzayev Gürcüstanın ərazisində saxlanılaraq dekabrın 11-də Ədliyyə Nazirliyi Penitensiar Xidmətin xüsusi konvoyunun müşayiəti ilə Azərbaycana gətirilib.
Oxşar xəbərlər
Gürcüstanda saxlanılıb Azərbaycana gətirildi
Beynəlxalq axtarışda olan daha bir şəxs ölkəmizə ekstradisiya olunub. Baş Prokurorluğun Mətbuat xidmətindən verilən məlumata görə, qurumun vəsatəti əsasında Gür...