055 213 76 73
Abşeronda ağır çəkili xəstənin təcili tibbi yardım avtomobilinə mindirilməsi üçün FHN-ə müraciət edilib.
Nazirlikdən verilən məlumata görə, “112” qaynar telefon xəttinə Abşeron rayonu, Mehdiabad qəsəbəsi, Məhəmməd Əsədov küçəsində vətəndaşın köməyə ehtiyacı olması barədə məlumat daxil olub.
Ünvana baxış zamanı 1951-ci il təvəllüdlü Qurbanov Firuddin Oruc oğlu xəstəlik və ağır çəkili olması səbəbindən təcili tibbi yardım avtomobilinə aparılmasında yaranan çətinliklə bağlı köməyə ehtiyacı olduğu müəyyən edilib.
Hadisə yerinə cəlb olunan FHN-in Xüsusi Riskli Xilasetmə Xidmətinin xilasediciləri vətəndaşı təhlükəsizlik qaydalarına riayət edərək, xüsusi vasitələrin köməyi ilə fərdi yaşayış evinin 2-ci mərtəbəsindən endirərək təcili tbbi yardım briqadasına təhvil verib.