055 213 76 73
Bakıda sərnişin avtobusu yanıb.
Bu barədə Baş Dövlət Yol Polisi İdarəsindən (BDYPİ) məlumat verilib.
Bildirilib ki, hadisə bu gün saat 13:00 radələrində paytaxtın Xətai rayonu, Köhnə Günəşli qəsəbəsi, İnqilab İsmayılov küçəsində qeydə alınıb.
Belə ki, “İsuzu” markalı, 99-JU-545 dövlət qeydiyyat nişanlı avtobus ilkin məlumata görə mühərrikində baş vermiş qısa qapanma səbəbindən alovlanaraq yanıb.
Nəticədə ölən və xəsarət alan olmasa da, avtobus yararsız hala düşüb.
***14:00
Bakıda 46 nömrəli sərnişin avtobusunda yanğın hadisəsi baş verib.
Bu barədə görüntülər sosial şəbəkədə yayılıb.
Hadisə Xətai rayonu, Köhnə Günəşli qəsəbəsi, İnqilab İsmayılov küçəsində qeydə alınıb.
Yanğın zamanı sərnişinlər təxliyyə olunub. Xəsarət alanların olmadığı deyilir.
Əraziyə Fövqəladə Hallar Nazirliyinin əməkdaşları cəlb olunublar. Yanğının qarşısını almaq üçün müvafiq tədbirlər görülür.
Həmin görüntüləri təqdim edirik: