17 yaşlı itkin düşdüyü deyilən oğlan kanalda batıb

Ağcabədidə gənc oğlan itkin düşüb.

Bu barədə BAKU.WS-ə onun yaxınları məlumat verib.

Bildirilir ki, 17 yaşlı Adil Əkbər oğlu Həsənov fevralın 4-də evdən çıxaraq geri qayıtmayıb.

Fövqəladə Hallar Nazirliyindən (FHN) BAKU.WS-ə məlumat verilib ki, Ağcabədidə itkin düşdüyü bildirilən gənc oğlan kanalda batıb.

Qeyd edilib ki, Yuxarı Qarabağ kanalının Ağcabədi rayonu, Xocavənd kəndindən keçən hissəsində bir nəfərin batması barədə məlumat daxil olub.

Məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.

Qalereya