Mərkəzi Bankdan kredit açıqlaması
![Mərkəzi Bankdan kredit açıqlaması](https://baku.ws/storage/photos/thumbs/large/1439809619_b102.webp)
Bundan sonra banklardan kredit götürən vətəndaşlar məcburi qaydada götürdükləri məbləğin beş faizi miqdarında "Həyat sığortası" ödəməli olacaqlar.
BAKU.WS xəbər verir ki, bu barədə məlumat aktual.az-a Mərkəzi Bankdakı mənbələrdən daxil olub. Məlumatda bildirilir ki, bu gün səhər Mərkəzi Bank bununla bağlı ölkədə fəaliyyət göstərən banklara məktub ünvanlayıb.
Məktubda banklardan "Həyat sığortası" tətbiq etmək, bununla riskli ödənişləri aradan qaldırmaq tələb olunur.
İqtisadçı-ekspert Vüqar Bayramov isə açıqlamasında bu qərardan xəbərdar olduğunu deyib: "Bilirsiniz ki, son dövrlər banklarda maliyyə böhranı yaşanır. Vətəndaşların banklara ödəməli olduğu kreditlərdə gecikmələr yaranır. Bu da heç şübhəsiz, bank sektorunda böhranlı vəziyyətə gətirib çıxarır. Bu səbəbdən Mərkəzi Bank çıxış yolu olaraq "Həyat sığortası"nı tətbiq etmək qərarını verib. Artıq bu gündən sonra banklardan kredit götürən vətəndaşlar məcburi qaydada "Həyat sığortası" paketini almalı olacaqlar. Əvvəllər vətəndaş bankdan kredit götürəndə yalnız bir faiz komisyon haqqı ödəyirdisə, artıq götürdüyü məbləğin beş faizi həcmində "Həyat sığortası" ödənişini etməyə məcbur olacaq. Misal üçün, 10 min kredit götürən şəxs əlavə olaraq 500 manat sığorta haqqı ödəyəcək. Bu qərar banklara imkan verəcək ki, müştəri vəfat etdikdə onun pulunu sığorta şirkətindən ala bilsin. Yəni bank verdiyi krediti bütün hallarda geri ala biləcək. Hesab edirəm ki, Mərkəzi Bankın qərarından sonra sığorta bazarında canlanma yaranacaq".
Mərkəzi Bankdan isə "Qafqazinfo"ya daxil olan məlumata görə, heç bir banka bu barədə göstəriş verilməyib: "Yayılan informasiya həqiqətə uyğun deyil", - deyə AMB-dən bildirilib.
Oxşar xəbərlər
Əhalinin kredit problemlərinin həll yolu tapıldı
"Son dövrlər əhali ilə banklar arasında yaranmış narazılıq belə institutun aktuallığını daha da artırır. Bəzən əks arqument gətirilir ki, maliyyə ombudsmanının...