"Yalı Çapkını"nın məşhur aktrisası qəzaya düşdü

Türkiyə televiziyasının sevilən adlarından olan, "Asmalı Konak" və "Yalı Çapkını" seriallarında unudulmaz çıxışları ilə tanınan 78 yaşlı aktrisa Şerif Sezer Muğlanın Milas rayonunda yol qəzası keçirib.

BAKU.WS xəbər verir ki, "Haber Global"ın məlumatına görə, aktrisa Bodrum istiqamətində səyahət edərkən Muğlanın Milas rayonunda 26 yaşlı sürücü Ş.A-nın idarə etdiyi avtomobillə toqquşub.

Bildirilib ki, qarşı tərəfdən gələn gənc sürücü sükanın idarəetməsini itirib və avtomobilini Şərif Sezərin maşınına çırpıb.

Qəzadan sonra, hadisə yerinə təcili tibbi yardım qrupları və yol polisləri sövq edilib.

Hadisə zamanı 26 yaşlı sürücü yaralanıb lakin, 78 yaşlı aktrisa isə heç bir xəsarət almayıb. O, dostunun maşını ilə yoluna davam etib.

Qalereya