Türkiyədə Ərdoğanın vəzifəsini müvəqqəti icra edəcək şəxsin adı açıqlanıb

Türkiyədə Prezident Rəcəb Tayyib Ərdoğanın vəzifəsini müvəqqəti olaraq vitse-prezident Cevdet Yılmaz icra edəcək.

BAKU.WS xəbər verir ki, bu barədə "Resmi Gazete" məlumat yayıb.

Bildirilib ki, buna səbəb Rəcəb Tayyib Ərdoğanın ABŞ-yə səfəridir.

Qeyd olunub ki, prezidentin sentyabrın 21-dən 26-dək davam edən səfəri ilə əlaqədar Türkiyə Konstitusiyasının 106-cı maddəsinə uyğun olaraq prezidentin vəzifələrini vitse-prezident icra edəcək.