Tramp İrana dəyən ziyanı açıqladı

ABŞ Prezidenti Donald Tramp ABŞ-ın İrana zərbələrinin vurduğu ziyanı açıqlayıb.

BAKU.WS xəbər verir ki, o, bu barədə Newsmax-a müsahibəsində danışıb.

"Biz onların əksər radarlarını, əksər sursatlarını, əksər buraxılış qurğularını, raket buraxıcılarını sıradan çıxarmışıq. Biz onların dronlarını sıradan çıxarmışıq. Biz onların raketlərini sıradan çıxarmışıq", - deyə Amerika prezidenti bildirib.

Bundan əlavə, Trampın sözlərinə görə, ABŞ hazırda Hörmüz boğazına nəzarət edir.

"Onlar problem yarada bilərlər. Onlar pis işlər görə bilərlər, amma biz buna nəzarət edirik", - deyə o qeyd edib.

Xatırladaq ki, daha əvvəl ABŞ Mərkəzi Komandanlığı (CENTCOM) İrana qarşı beş saatlıq hücum dalğasının başa çatdığını elan etmişdi.