Tramp ABŞ-nin 47-ci prezidenti kimi and içib

ABŞ-nin 47-ci prezidenti Donald Tarmp and içərək vəzifəsinin icrasına başlayıb.

BAKU.WS xəbər verir ki, Trampla yanaşı, Ceyms Devid Vens də vitse-prezident kimi and içib.

Respublikaçı Konstitusiyaya və İncil kitabına əlini qoyaraq ölkəsinə sədaqət andı içib.

Bununla da Tramp ABŞ tarixində fasilə ilə ən yüksək dövlət vəzifəsini tutan ikinci prezident olub. Əvvəllər buna yalnız Qrover Klivlend (1885-1889-cu illərdə və 1893-1897-ci illərdə) nail olmuşdu. Tramp hazırda ABŞ-nin 45-ci və 47-ci prezidentidir.

***19:45

ABŞ-nin yeni seçilən Prezidenti Donald Trampın yaxın saatlarda andiçmə mərasimi başlayıb.

Kapitolidə keçirilən tədbir siyasətçinin sosial şəbəkə səhifəsindən canlı olaraq yayımlanır.

Qeyd edək ki, Donald Tramp artıq 2016-2020-ci illərdə dövlət başçısı olub.