Demensiya xəstəliyi bu ölkədə daha çox YAYILIB

ABŞ-də aparılan araşdırmada demensiya xəstəliyinin daha çox rast gəlindiyi bölgələr açıqlanıb.

BAKU.WS xəbər verir ki, tədqiqatın nəticələri "JAMA Neurology" jurnalında dərc edilib.

Araşdırma Kaliforniya Universitetinin (San-Fransisko) alimləri tərəfindən aparılıb. Əsas bölgə kimi Orta Atlantika seçilib.

Məlum olub ki, demensiya halları ən çox Şimal-Atlantikanın cənub-şərq hissəsində müşahidə olunur. Bu bölgədə demensiya xəstəliyi 25% daha çox rast gəlinib.

Şimal-Qərb və Qayalı dağlar bölgəsində bu göstərici 23% daha yüksək olub. Cənub bölgəsində 18%, Cənub-Qərbdə – o cümlədən Kaliforniyada – 13%, Şimal-Şərqdə, o cümlədən Nyu-Yorkda isə 7% daha çox qeydə alınıb.

Bu fərqlər insanların yaşı, irqi və ürək-damar xəstəlikləri nəzərə alındıqdan sonra da dəyişməyib. Eyni vəziyyət kənd yerlərində də müşahidə olunub.