Ağ Evdə qanunsuz miqrantların cinayət plakatları asılıb

ABŞ-nin paytaxtı Vaşinqtonda yerləşən Ağ Evin həyətinə və ətraf ərazilərdəki qazon sahələrə müxtəlif cinayətlərə qarışmış qanunsuz miqrantların plakatları yerləşdirilib.

BAKU.WS sondakika-ya istinadən xəbər verir ki, plakatlarda ABŞ Köç və Gömrük Mühafizə İdarəsi (ICE) tərəfindən saxlanılan və cinayət törətmiş şəxslərin fotoları və məlumatları yer alıb.

Ağ Evin qarşısında lentə alınan görüntülər keçmiş prezident Donald Trampın vəzifəyə gəldikdən sonra ilk 100 gün ərzində qanunsuz miqrasiya ilə mübarizəyə verdiyi önəmi nümayiş etdirib.

Ümumilikdə 100 qanunsuz miqrantın fotosunun yer aldığı plakatlarda onların ABŞ-də qeyri-qanuni şəkildə olduqları, həmçinin təcavüz, qətl, adam oğurluğu kimi ağır cinayətlərə qarışdıqları qeyd edilib. Həmin şəxslərin deportasiya olunma ehtimalının yüksək olduğu bildirilib.

Xatırladaq ki, Donald Tramp 20 yanvar tarixində prezident vəzifəsinə başladıqdan sonra qanunsuz miqrantların ABŞ-dən çıxarılması və sərhəd təhlükəsizliyinin gücləndirilməsini əsas prioritetlərindən biri kimi elan etmişdi.