ABŞ-dən yeni hava əməliyyatı, İran Amerika bazalarını PUA-larla vurdu

ABŞ ilə İran arasında hərbi gərginlik daha da dərinləşib. ABŞ Silahlı Qüvvələrinin Mərkəzi Komandanlığı (CENTCOM) İran ərazisində növbəti hərbi əməliyyatlar seriyasının başa çatdığını açıqlayıb.

BAKU.WS xəbər verir ki, ardıcıl səkkizinci gecə həyata keçirilən zərbələr zamanı İranın sahil müşahidə sistemləri, hava hücumundan müdafiə obyektləri, dəniz infrastrukturu, həmçinin raket və pilotsuz uçuş aparatlarının saxlanıldığı məntəqələr vurulub.

ABD Merkez Kuvvetler Komutanlığı (CENTCOM), İran'a yönelik bu geceki saldırı dalgasının tamamlandığını açıkladı. pic.twitter.com/du2wYWqEF0

— GİZLİ SERVİS (@gizliservis06) July 19, 2026

CENTCOM bildirib ki, əməliyyatların əsas məqsədi İranın hərbi imkanlarını zəiflətmək, xüsusilə də Hörmüz boğazında beynəlxalq gəmiçiliyə təhdid yaratmaq potensialını məhdudlaşdırmaq olub. Eyni zamanda, ABŞ tərəfi iyulun 17-də İordaniyada amerikalı hərbçilərə edilən hücumlarda iştirak etdiyi iddia olunan İslam İnqilabı Keşikçiləri Korpusunun (SEPAH) bölmələrinə də zərbələr endirildiyini açıqlayıb.

ABŞ ordusunun məlumatına əsasən, İordaniyada baş vermiş hücum nəticəsində iki amerikalı hərbçi həlak olub, daha bir hərbçinin isə itkin düşdüyü bildirilir.

Video captures the moment that several Iranian medium to intermediate-range ballistic missiles struck Muwaffaq Salti Air Base in Jordan overnight, killing at least two and injuring several other American Servicemembers. pic.twitter.com/cJz39E1LvP

— OSINTdefender (@sentdefender) July 18, 2026

Buna cavab olaraq İran ordusu ABŞ-nin Küveytdə yerləşən hərbi obyektlərinə pilotsuz uçuş aparatları ilə hücum həyata keçirdiyini bəyan edib. İran tərəfinin açıqlamasında qeyd olunur ki, əməliyyat ABŞ-nin son günlər regionda həyata keçirdiyi hücumlara, eləcə də mülki və infrastruktur obyektlərinə zərbələrinə cavab xarakteri daşıyıb.

URGENTE Los ataques Iraníes continúan contra las bases norteamericanas en medio oriente! En Jordania Uno de ellos habría alcanzado los lanzadores Patriot generando múltiples explosiones secundarias! Y al parecer varios heridos.
CENTCOM ya confirmó 2 fallecidos y 1 desaparecido pic.twitter.com/LzBFd00fl0

— Alerta Mundial (@TuiteroSismico) July 18, 2026

İran ordusunun iddiasına görə, PUA hücumları zamanı ABŞ-nin Əl-Udeyd düşərgəsində yerləşən sursat anbarı, həmçinin Küveytdəki "Əli əs-Salim" aviabazasında yerləşən "Patriot" hava hücumundan müdafiə sistemləri və radar qurğuları hədəfə alınıb. Bu iddialarla bağlı ABŞ tərəfindən hələlik rəsmi təsdiq verilməyib.