ABŞ Belarusdan 100-dən çox məhbusun azad olunmasını istəyib

ABŞ və Belarus Minsk tərəfindən 100-dən çox məhbusun azad edilməsini müzakirə edir.

BAKU.WS xəbər verir ki, bu barədə "Reuters" agentliyi ABŞ administrasiyasındakı adının açıqlanmasını istəməyən mənbəyə istinadən məlumat yayıb.

"Məqsədimiz vahid bir razılaşma çərçivəsində 100-dən çox məhbusun azad edilməsinə nail olmaqdır", - deyə ABŞ rəsmilərindən biri agentliyə bildirib.

Qeyd edək ki, Belarus prezidenti Aleksandr Lukaşenko ABŞ prezidenti Donald Trampın administrasiyası ilə əlaqələr sayəsində xarici siyasətdə əlavə dəstək tapmaq imkanı əldə edib. Belarus lideri ABŞ-la danışıqlar kontekstində Ukrayna münaqişəsinin həllində mühüm rol oynayır və diplomatik dialoqu təmin edir.