SİZİN REKLAM BURADA!
055 213 76 73


Ermənistanın paytaxtı İrəvanın Baqramyan prospektində keçirilən etiraz aksiyası zamanı saxlanılanların sayı 98 nəfərə çatıb.

“Report” xəbər verir ki, bu barədə Ermənistan Daxili İşlər Nazirliyinin mətbuat xidməti məlumat yayıb.

Daxili İşlər Nazirliyi 10 polis əməkdaşının tibbi yardıma müraciət etdiyini bildirib. Səhiyyə Nazirliyinin məlumatında isə deyilir ki, etiraz aksiyası dağıdılandan sonra 55 nəfər həkimə müraciət edib.

Qeyd edək ki, qarşıdurma zamanı polis etirazçıları dağıtmaq üçün səs-küylü qumbaralardan istifadə edib. Öz növbəsində İstintaq Komitəsi kütləvi iğtişaşların təşkili maddəsi ilə cinayət işi başladıb.

Xatırladaq ki, polis iyunun 12-də İrəvanın Baqramyan prospektində etirazçıları dağıtmaq üçün xüsusi vasitələrdən, o cümlədən səs bombalarından istifadə edib.

BAKU.WS