13,99%-dən ZAMİNSİZ, KOMİSSİYASIZ NAĞD KREDİT

Fransa Prezidenti Emmanuel Makron ilə Ukrayna Prezidenti Volodimir Zelenski arasında telefon danışığı olub.

BAKU.WS Ukrayna KİV-nə istinadən xəbər verir ki, Makron Aİ tərəfdaşları ilə Rusiya Federasiyasına qarşı yeni sanksiyalar üzərində işləməyə hazır olduğunu bəyan edib.

Yelisey sarayı qeyd edir ki, söhbətdə Zaporojye AES ətrafında vəziyyətə toxunulub.

Bundan əvvəl Ukrayna prezidentinin mətbuat xidməti bildirmişdi ki, Volodimir Zelenski Makrona Donetsk, Luqansk, Zaporojye və Xerson vilayətlərində keçirilən qanunsuz referendumları və Rusiyanın Ukraynanın bu ərazilərini qanunsuz ilhaq etmək cəhdlərini qətiyyətlə pislədiyinə görə təşəkkür edib.

Liderlər həmçinin gələn həftə Praqada Avropa siyasi ictimaiyyətinin sammitinin və Rusiyanın növbəti təcavüz aktlarını birgə qiymətləndirmək və müvafiq qərarlar hazırlamaq imkanı olacaq Avropa Şurasının qeyri-rəsmi iclasının keçirilməsini də müzakirə ediblər.

BAKU.WS