Kişilərdə ürək sağlamlığı üçün 35 yaş kritikdir

Yeni araşdırmaya görə, kişilər ürək xəstəlikləri riskinə qadınlardan təxminən 7 il əvvəl, 35 yaşdan başlayırlar. 50 yaşına çatanda gələcək 10 il üçün ürək xəstəliyi riski kişilərdə 6%, qadınlarda isə 3%-dir.

BAKU.WS xəbər verir ki, ürək xəstəlikləri bir gecədə yaranmır, illər ərzində yavaş-yavaş inkişaf edir. Buna görə də erkən profilaktika çox önəmlidir. Mütəxəssislər xüsusilə 30–40 yaşlarda rutin yoxlanışları, qan təzyiqi, xolesterol və qan şəkərinin ölçülməsini, sağlam qidalanma və müntəzəm fiziki fəaliyyətin qoruyucu təsirini vurğulayırlar.

Qadınlarda isə ürək xəstəlikləri riski menopozdan sonra artır. Bu dövrdə estrogen hormonunun azalması ilə risk yüksəlir və kişilərlə aradakı fərq sürətlə azalır. Mütəxəssislər hər iki cins üçün erkən profilaktikanın həyati əhəmiyyət daşıdığını bildirirlər.