Yamal 18 yaşını tamamlamamış La Liqanı iki dəfə qazanan ilk futbolçu olub

"Barselona"nın gənc ulduzu Lamine Yamal tarixdə 18 yaşını tamamlamamış La Liqanı iki dəfə qazanan ilk futbolçu olub.

BAKU.WS xarici mətbuata istinadən xəbər verir ki, bu, ötən gün La Liqanın XXXVI turunda Kataloniya klubunun "Espanyol" üzərində qələbəsi (2:0) sayəsində reallaşıb.

Komandasının çempionluğu erkən rəsmiləşdirdiyi matçda bir qol və məhsuldar ötürmə ilə yadda qalan Yamal ilk belə titulunu iki il əvvəl, Xavinin dönəmində qazanıb.

Qeyd edək ki, Lamin Yamal cari mövsümdə meydana çıxdığı 33 matçda 8 qola, 13 məhsuldar ötürməyə imza atıb.