Tacikistanlı MMA döyüşçüsü: "Bakıda hər şey yüksək səviyyədədir"

Tacikistanlı MMA döyüşçüsü Məhəmməd Nayimov Mütləq Döyüş Çempionatının (UFC) Bakıda keçiriləcək turnirinə yaxşı hazırlaşıb.

BAKU.WS report-a istinadən xəbər verir ki, idmançı bu barədə mətbuat konfransında məlumat verib.

O, avstriyalı rəqibi Boqdan Qradla görüşə hazır olduğunu bildirib:

"Düşünürəm ki, qalib gəlmək üçün ən yaxşılarla məşq etməlisən. Mən də yarışdan əvvəl belə etdim".

M.Nayimov ilk dəfə Bakıya gəldiyini söyləyib:

"Burada hər şey yüksək səviyyədədir. Düzü, belə olacağını gözləmirdim".

Qeyd edək ki, "UFC Fight Night" iyunun 21-də Bakı Kristal Zalında baş tutacaq.