Ronaldo bu futbolçunu təriflədi: "Qızıl top" alacaq

"Əl-Nasr"ın və Portuqaliya millisinin hücumçusu Kriştiano Ronaldo "Real"ın yarımmüdafiəçisi Cud Bellinqemin potensialını dəyərləndirib.

BAKU.WS Sky Sports-a istinadən xəbər verir ki, o, britaniyalını böyük istedad adlandırıb və yarımmüdafiəçinin "Qızıl top"u qazanacağını proqnozlaşdırıb.

"Cud Bellinqem böyük istedaddır, o, "Qızıl top"u qazana bilər", - Ronaldo deyib.

Xatırladaq ki, dekabrın 27-də Bellinqem "Globe Soccer Awards"dan ilin ən yaxşı yarımmüdafiəçisi kimi mükafat alıb. İngilis futbolçu dekabrda İspaniya La Liqasının ən yaxşı futbolçusu kimi də tanınıb. Keçən ay Bellinqem İspaniyada beş oyununda iştirak edib və bu matçlarda dörd qol və iki məhsuldar ötürməyə imza atıb.