"Qarabağ"ın ÇL-dəki oyununa məşhur hakim təyin olundu

UEFA Çempionlar Liqasının 5-ci turunda baş tutacaq "Napoli" – "Qarabağ" qarşılaşmasını idarə edəcək hakimlər briqadası açıqlanıb.

UEFA-nın rəsmi məlumatına əsasən, görüşün baş hakimi beynəlxalq səviyyədə tanınan polşalı referi Şimon Marçinyak olacaq.

Ona həmvətənləri Tomaş Listkieviç və Adam Kupsik yan xətt hakimləri kimi dəstək verəcəklər. Oyun üçün 4-cü hakim səlahiyyətləri Niderlanddan olan Pol van Boekelə həvalə olunub.

VAR otağında isə təcrübəli xorvatiyalı arbitr İvan Bebek qərarları izləyəcək.