"Qarabağ" daha bir futbolçu ilə anlaşdı

"Qarabağ" heyətini yeni futbolçu ilə gücləndirməyə hazırlaşır.

BAKU.WS İdmanxeber.az-a istinadla xəbər verir ki, Ağdam təmsilçisi Rusiyanın "Pari" klubunda çıxış edən Renaldo Çepasın transferi ilə bağlı qarşı tərəflə razılıq əldə edib. Bildirilir ki, transferin dəyəri 1 milyon dollar təşkil edir.

Müqavilədə əlavə olaraq 200 min dollar məbləğində bonusların da yer aldığı qeyd olunur.

Yamaykalı vinger ötən mövsüm Rusiyada 29 oyunda forma geyinib və 1 qol vurub, 3 assist edib.

Qeyd olunur ki, klublar artıq transferin son detalları üzərində razılığa gəliblər və keçidin yaxın vaxtlarda rəsmiləşdirilməsi gözlənilir.

26 yaşlı futbolçu karyerası ərzində "Şkupi", "Ankaragücü" kimi klubların formasını geyinib.