Məşhur xanım müğənnidən Mourinyoya sərt sözlər: "Təzminatı düşünən portuqaliyalı dəli"

Türkiyə Superliqasının 37-ci həftəsində "Fənərbağça" səfərdə aşağı liqaya düşməyi təmin olunan "Hatayspor"a 4:2 hesabı ilə uduzub.

BAKU.WS Türkiyə KİV-ə istinadən xəbər verir ki, məğlubiyyətdən sonra Joze Mourinyo "Fənərbağça" azarkeşlərinin qəzəbinə tuş gəlib.

Mourinyoya qarşı sərt reaksiya verənlərdən biri də türkiyəli müğənni Ece Seçkin olub.

Tanınmış müğənni "Təzminatı beyninə yeridən bir portuqaliyalı dəli ucbatından yata bilmirəm. Bundan daha qəribə bir şey ola bilərmi?"sözlərini sosial şəbəkə hesabında yazıb.

Xatırladaq ki, "Fənərbağça" Türkiyə Superliqasında çempion "Qalatasaray"dan 11 xal geri qalır.

Qalereya