Luis Suares 6 oyunluq cəzalandırılıb

ABŞ-nin "İnter Mayami" və Uruqvay millisinin hücumçusu Luis Suares 6 oyunluq cəzaya məruz qalıb.

BAKU.WS xarici KİV-ə istinadən xəbər verir ki, buna səbəb Liqalar Kubokunun finalında məğlubiyyətdən sonra "Sietl Saunders" klubunun əməkdaşlarından birinə tüpürməsi olub.

Suares hadisədən sonra üzr istəsə də, baş verən dava nəticəsində "Sietl Saunders"in məşqçisi Stiven Lenhart 5, "İnter Mayami"nin Tomas Aviles 3 və Serxio Buskets 2 oyunluq cəzalandırılıb. Görüş isə "Sietl Saunders"in 3:0 hesablı qələbəsi ilə yekunlaşıb.