Koxalski "Qarabağ"dan getdi - RƏSMİ

"Qarabağ" polşalı qapıçısı Mateuş Koxalski ilə yollarını ayırıb.

BAKU.WS kluba istinadən xəbər verir ki, Polşanın "Vyeçista" klubunun futbolçu ilə bağlı təklifi və Koxalskinin şəxsi istəyi müsbət qarşılanıb. Tərəflər arasında aparılan danışıqların ardından transferlə bağlı razılıq əldə olunub.

2024-cü ilin yayından "Qarabağ"da çıxış edən 25 yaşlı qapıçı bu müddətdə 76 oyunda meydana çıxıb. O, komanda ilə Azərbaycan çempionu olub və UEFA Çempionlar Liqasında 40 seyvlə turnirin ən yaxşı göstəricilərinə malik qapıçılar sırasında yer alıb.