Kerem Aktürkoğlu zirvəyə yüksəldi

Milli futbolçu Kerem Aktürkoğlu FIFA Klub Dünya Çempionatında tarixi nailiyyətə imza atıb.

BAKU.WS xəbər verir ki, Portuqaliyanın "Benfika" klubunda çıxış edən Kerem Aktürkoğlu turnirdə ən çox oyun keçirən futbolçu olub. Bu barədə məlumatı Beynəlxalq Peşəkar Futbolçular Federasiyası (FIFPRO) sosial şəbəkə hesabı vasitəsilə yayıb.

26 yaşlı hücumçu bu mövsüm ərzində ardıcıl olaraq 55 matçda forma geyinərək Real Madrid-in ulduzu Luka Modriç və "Barselona"nın müdafiəçisi Jül Kunde kimi tanınmış futbolçuları geridə qoyub.

Kerem Aktürkoğlu ötən ilin sentyabr ayında "Qalatasaray"dan "Benfika"ya 12 milyon avroya transfer olunub. Mövsüm ərzində 16 qol və 14 assistlə komandasının uğurunda böyük rol oynayıb.

FIFPRO-nun məlumatına görə, Real Madriddən Luka Modriç 54 oyunla ikinci, "Seltik"in qapıçısı Kasper Şmeyxel də 54 matçla üçüncü pillədə qərarlaşıb.